Category: Life

Categories
Art Life Today's Log TV

Today’s Log 10 | Couch Potato

TUESDAY

8:16 AM

Mukang hindi tumigil ang snow kagabi. Itsurang winter nanaman dito. May driving lesson pa naman ako sa Thursday. Sana matunaw na.

Natigil na ko sa pagbabasa ng Deep Work kasi nag-expire na yung loan ko sa library. Ang binabasa ko naman ngayon ay Lifespan by David A. Sinclair. Sinasabi dun sa book na ang pagtanda daw ay isang type of disease. And may mga diniscuss sya na ways para macombat ang aging. Merong mga practical ways tapos meron ding pwedeng i-take na pills.

Skeptical ako sa mga nababasa ko dito pero interesting. Sometime daw in the future, magiging average na daw yung age na 120 y/o. Pero hindi lang lifespan yung focus nya dito, yung healthspan din. Kasi kung hahaba nga yung buhay ko pero uugod ugod naman ako or parang lantang gulay, wag na lang. Pero sinasabi dito na possible daw maging youthful pa din yung energy kahit mareach mo yung age na 60 or 70 or more.

So mga ganyang books yung interest ko ngayon. About improving health. Since ang dami ko kasing medical conditions, nagiging proactive ako ngayon na magseek ng ways to be more healthy. Kaka-signup ko nga lang sa isang webinar about gut health and hormones naman.

10:47 AM

Kanina pa nagmumuni muni

11:49 AM

Pagkatapos kong kumain, maglinis ng bahay, maligo at manood ng latest vlog ni Ivana Alawi, nandito na ko sa office namin. Ready na ulit akong matuto. Ipagpapatuloy ko yung sa Design Fundamentals. Actually pala, napagaralan ko na ‘to sa isang course na tinake ko sa Red River College. Pero Graphic Design kasi yung focus dun. Dito naman painting.

1:02 PM

Getting distracted. Too much cuteness.

Break muna.

2:05 PM

Sarap ng idlip ko. One of the perks na pinaka thankful ako ngayong freelancer na ko—makaidlip kahit anong oras ko gusto. Hindi ko malilimutan yung mga times sa office na sobrang antok na antok na ko tapos gusto ko lang pumikit kahit 2 minutes lang pero hindi ko magawa kasi hindi pa oras ng break ko.

3:07 PM

Done with the course! Okay naman sya. I was not expecting too much kasi parang hindi nya masyadong forte yung magturo talaga. May mga ganun kasi. Yung magaling sila sa isang bagay pero hirap silang magturo. Lalo na yung mga natural na talented talaga. They depend more on feelings. Yung hindi nila ma-explain pero sa kanila “it feels right”. Ganun yung instructor. I appreciate na he’s trying his best to be helpful. May binigay syang list of artists and books for further studies at nag-iwan din sya ng personal e-mail address nya. Sana magreply sya pag dumating yung time na kelangan kong may itanong sa kanya.

Galing talaga

Magbabasa muna ako or Duolingo. Naka 3 chapters ako ng Anxious People kanina nung nagbreak ako. Dapat maka 10 chapters a day ako para matapos ko in time yung book bago ma-expire yung loan.

5:41 PM

Magd-drawing sana ko kaso sumasakit nanaman yung batok ko. Nanood na lang ako ng shorts from Pixar. Eto yung isa kong pinanood. Ankyut.

So yun pala yung shorts na lagi kong nadidinig sa mga animation peepz. It’s a short film na ang running time ay 40 mins or less. Tulad nitong The Blue Umbrella, 7 mins lang sya.

Eto pa sobrang gandaaaa. Day & Night yung title.

At dahil nasa recommended videos ko si Lea Salonga nung mga nakaraan, hindi ko alam kung bakit, sabi ko papanoorin ko ulit ‘to.

10:31 PM

Painted this for 2.5 hrs while A Whole New World, Part of Your World and Defying Gravity is on loop.

https://www.instagram.com/p/CNoYX_sD4tv/?igshid=1tdqfg6eyzgec

11:09 PM

Since na-curious ako sa WandaVision after ko pakinggan yung latest episode ng The Eve’s Drop kanina, gusto ko rin panoorin. Kaso yung knowledge ko about Marvel mababa lang. Bits and pieces lang. Yung Endgame di ko pa rin napapanood. So naisip ko na panoorin muna sya mula simula.

Nung nagreresearch ako, hindi pala according sa timeline yung order of release nung movies. So pinagiisipan ko nung una kung pano ko sya papanoorin. Napagdesisyonan ko na papanoorin ko sya according sa timeline. So sinimulan ko sa Captain America: The First Avenger. Napanood ko na ‘to dati pero gusto ko ng refresher sa lahat.

12:40 AM

Sa salas kami natulog
Categories
Art Canada Life Today's Log

Today’s Log 9 | Agawan ng Taba + Art Diaries

MONDAY

8:49 AM

Nag-snow.

Kakatapos ko lang magbasa. Inaantok ako sa binabasa ko. Deep Work pa rin ni Cal Newport. Medyo nadisappoint ako sa book nyang ‘to. Sobrang nagustuhan ko kasi yung isa nyang libro. Yung Digital Minimalism. Try kong ituloy yung pagbabasa pero pag inantok pa rin ako, magbabasa na lang ako ng ibang libro.

10:19 AM

Nagluto akong sinigang na bangus belly. My favorite. Kahit ano namang luto ng bangus paborito ko. Kala ko hindi masarap tapos kulang pa sa sahog. Pero in fairness masarap naman.

Sa bangus compatibility test, compatible kami ni Kenneth. Kasi mahilig ako sa taba tapos sya ayaw nya. Pag sa bahay sa Pinas madami akong kaagawan. Lahat gigil sa taba. Pero nakakamiss makipag-agawan ng taba huhu. Eto nanaman nagiging senti nanaman ako. Gusto ko nang makauwi 😭😭

11:57 AM

Finally, something productive. I packed a few orders. Ship ko na lang mamaya pag sinisipag na kong lumabas. Ang lamig nanaman. Kahapon 16 na tapos -10 ngayon. Nakakatamad maligo. Mag-Duolingo na lang muna ako.

12:34 PM

It’s a joke. Hindi ako nag-Duolingo. Nadistract na ko sa new episode ng WUWJS.

Tungkol sya sa astrology. After nito maliligo na talaga ko.

2:03 PM

Good news. Nakaligo na ko. Kakatapos ko lang din mag-lunch. Ang sarap nitong binili namin sa Sobeys. Kaso hindi healthy.

So eto na ang simula ng pagiging super productive ko. Magaaral na ko nung mga binili kong online courses. Sana ma-apply ko yung “deep work” na sinasabi ni Cal Newport. Hindi ko pa rin natapos yung book. Pero mga 70% done na ko.

2:37 PM

Nakapanood na ko ng 2 videos about Character Design. Nabili ko ‘tong course na ‘to for $5 lang kasi naka-sale. Yung instructor is nagtrabaho sa Disney for 21 years, si Aaron Blaise.

So far, sa 2 videos na napanood ko, ang natutunan ko sa character design ay to do research first. “Don’t draw too soon.” sabi nya. Yung initial reaction ko is, “Katamad.” Bakit kelangan pang mag-research? Drawing na agad! Pero kung iisipin mo, pano magkakaron ng dynamic or richness yung characters kung magbe-base lang ako sa kung anong alam ko ngayon.

And ngayon ko lang talaga naa-appreciate kung gano pinagiisipan ng mga artists or ng studio yung bawat characters sa mga movies nila. Sobrang daming elements na kelangan i-consider para hindi lang sya magmukang maganda, kundi para din makapag-evoke sya ng emotion. Kasi kung maganda nga yung visual pero wala namang feelings, hindi naman bebenta yung movie.

Okay next video.

3:20 PM

Video #3 is all about expressions. At this point, medyo inaantok na ko. Wala pang 1 hour bumababa agad yung focus and energy ko. Gusto kong manood ng isang animated film para makita ko kung pano in-apply yung character design dun sa movie. Pero parang too early pa kasi 23 videos ‘to. Nangangalahati pa lang ako sa 3rd video. Need to focus!!

3:44 PM

Nag-break lang ako at nagbasa ng 3 chapters ng Anxious People. G na ulit.

Pampagana

4:31 PM

On our third winter:

After ko matapos yung video #3, sinipag na kong lumabas para magship ng orders. Nagpapabili rin ng bawang si Kenneth.

Buti nasa tapat lang ng apartment ‘tong mailbox

5:20 PM

Ang kalat talaga magluto ni Kenneth

7:21 PM

Haysss nakakafrustrate. Nagpaint ako ngayon (yung photo sa taas as reference) tapos sabi ko hindi ako map-pressure. Sabi ko for fun lang. Pero nag-end up na nastress nanaman ako kasi hindi ako natuwa sa result. Pag nasstress kasi ako, sumasakit yung batok ko tapos parang nangingimi yung muka ko. Yun ang indication na kelangan ko munang tumigil. Anyway, pinost ko pa rin kahit dismayado ako sa gawa ko. Kelangan ko pa talagang magaral.

Makakain na nga. Or Cozy Grove. Or Gilmore Girls. Or all of the above.

8:06 PM

Kaya sya nagpabili ng bawang

9:15 PM

Currently reading Anxious People. Ang ganda talagaaaa. No dull moment 😍

9:50 PM

Took a break from reading.

11:13 PM

I purchased another course from this great artist. Sobrang fan ako ng style nya 🤩 Nasimulan ko yung first video dun sa course pero since malapit nang mag-hatinggabi, inaantok na me. Kaya ko pa naman pero gusto kong magising ng mas maaga bukas. Lagi na lang akong past 7AM nagigising. Gusto ko yung dati kong gising na mga 6AM.

Orayt goodnight!

Categories
Games Life Today's Log

Today’s Log 8 | Emerald

SUNDAY

10 AM

Kakatapos ko lang magbasa at mag-Duolingo. Yung binabasa ko kanina ay yung Deep Work pa rin ni Cal Newport. After reading yung chapter na yun, nag-imagine lang ako na sana sa next titirhan namin may sarili akong office. Share kasi kami ni Kenneth ng office ngayon tapos madalas marami syang ka-meeting. Nakakadistract. Ang lakas pa ng boses ni Kenneth tapos laging tawang tawa.

Ang tagal kong nag-Duolingo kasi meron akong nilalagpasan. Sa Duolingo kasi may leagues (nasa Ruby league ako). Para maka-advance ka sa next league, dapat nasa top 10 ka. Eh top 11 na ko so nilalagpasan ko yung top 10. Eh yung top 10, active din. After ko sya malagpasan, lalagpasan nya ko ulit. Nakakatawa na nakakatuwa na nakakainis. So nagtuloy tuloy ako para malagpasan ko yung top 8 para wag na nya kong guluhin.

Yan yung kalaban ko yung hindi ko matype ang pangalan

10:27 AM

Nakahiga. Nagiisip kelan kaya matatapos ang pandemic.

12:09 PM

Grabe. Grabe yung binabasa kong libro. Eto yung April book ng book club namin—Anxious People. Grabe ang gandaaa. Pero nasa chapter 10 pa lang ako (74 chapters in total). Chapter 1 pa lang the best na. Sana consistent until the end.

12:19 PM

5:50 PM

Kakatapos lang mag-grocery. Nag drive-thru kami sa KFC kasi gutom na ko. Zinger twister again tapos nag add lang kami ng gravy para sa roast chicken na binili namin. Excited na ko manood ng Vincenzo.

Gusto ko sanang i-try kaso ang mahal

6:10 PM

Tumawag ang Kuya Jon2 (tito ko pero nasanay kami na kuya ang tawag). Pinagsasabihan nanaman ako sa driving ko. Ayusin ko daw. Pina-practice nya kasi ako nitong mga nakaraang araw eh laging sablay yung pagliko ko. Yung pagkanan lang. Pag left turn very good naman ako. Kelangan ko nang gumaling kasi malapit na ko ulit mag-road test.

6:48 PM

Naglalaro na kong Cozy Grove. Mamaya na daw kami manood ng Vincenzo sabi ni Kenneth. Makikipaglaro daw muna sya ng COD.

Tapos tumawag ang Kuya. Chika chika lang as always. Mga 1 hour kaming magkausap habang naglalaro ako ng Cozy Grove.

My turf

8:04 PM

Gumagabi na. Aakitin ko na si Kenneth manood ng Vincenzo (sa probinsya namin akitin is yayain). Chinat ako ni Trix kanina. Tinatanong ako kung napanood na namin kasi ang ganda raw. Na-excite ako lalo panoorin.

8:12 PM

Chineck ko yung Duolingo, Emerald league na ko! Haha.

Eto na. Manonood na talaga kami.

Categories
Career Games Life Today's Log

Today’s Log 7 | LF: Artist Friend

Bigla kong naisip na gawin ulit ‘to pero late na ko nakapagsimula.

5:18 PM

Nasimulan ko na yung step #1 sa “The Steps”. And true enough, mas lalo ko ngang na-appreciate ang animation. Sobrang daming moving parts para makapag-produce ng isang animated film. From an outsider’s point of view, akala ko basta may magddrawing lang tapos i-a-animate nila yung drawings. Yun pala merong in charge sa pag-design ng characters, props and background. Tapos merong gagawa ng 3D models nung characters and all tapos may tinatawag na sculptors. Meron ding term na “rigging” na lagi kong nadidinig pero wala akong idea kung ano. After non merong in charge sa surface or texture nung characters, may in charge sa visual effects, lighting, sound, etc. Basta ang dami pa!!!

So after ko panoorin yung video na yun, mas trip ko talaga yung visual development department especially yung sa background design. Pwede ko rin siguro pagaralan yung sa characters and props. Pero isa pang interested ako eh yung matte painting. Sana talaga mapili ako as mentee dun sa WIA Mentorship Program! Yung visual/character effects mukang okay din.

May mga iba pa kong pinanood after. Super favorite ko yung movie na Inside Out so nakakatuwa na makita yung behind the scenes.

6:22 PM

Tumawag yung kapatid ko. Si Tricia, yung bunso namin. Nagusap lang kami about exercise bikes at yung dysmenorrhea nya. Sabi ko magpa-ultrasound na sya. Nakausap ko rin ng very light ang Mama at Papa. Minanok na baka ang ulam nila. Kakamiss sila. COVID matapos ka na!!!

7:11 PM

Watching an animation online course and I’m learning about this “squash and stretch” thing. The kitties are being distracting though.

Super nac-curious sila pag binubuksan ko yung bintana

7:23 PM

Watched another YT video about different animation softwares.

7:30 PM

I might try to learn how to use Blender. Magcheck out pa ko ng ibang videos about it.

For now, magbabasa muna ako ng The Midnight Library. Popular sya sa book community so na-curious ako. Yung genre nya ay fantasy. Medyo wala akong idea kung tungkol saan so excited akong simulan.

8:11 PM

Finished reading. Kumakain na ko ng dinner. Pero instead of reading The Midnight Library, I continued reading Norwegian Wood. Nafeel ko lang. Tapos habang binabasa ko yung Norwegian Wood, may naisip akong concept for a movie. Tapos parang magandang Pixar ang mag-produce. Hahaha. Nag-iimagine ako ng mga scenes sa utak ko habang kumakain ng tocino at dinuguan.

8:55 PM

Duolingo time after eating.

In fairness madami na kaming vocab na alam at nakakapag-construct na din kami ng sentences. Je suis content! 😂

Maglalaro muna ako ng Cozy Grove tapos siguro papanoorin namin yung new episode ng Vincenzo. Sana makapagbasa ako uli mamaya.

10:10 PM

Ngayon pa lang ako maglalaro ng Cozy Grove kasi humanash pa ko kay Kenneth. Kinekwento ko sa kanya na gusto kong magkaron ng friend na nakakarelate sa ginagawa ko ngayon. Gusto kong magkaron ng isang person na kachikahan ko about the world of illustration tapos masusubaybayan namin yung journey ng isa’t isa. Kaso nga sa ganitong age, ang hirap. And mas lalo syang pinahirap ng COVID.

Medyo tanggap ko nanaman kaso nakakamiss lang na magkaron ng work friend tapos same kayo ng struggles and makakarelate kayo sa achievements ng isa’t isa. Mas masaya sana kung may ganun.

Categories
Art Career

The Steps

So unti-unti nang nagkakaron ng linaw ang gusto kong mangyari sa career ko. Ngayon, gusto kong mag-focus sa animation. Admittedly, kaya ako nagka-interes sa kanya kasi nakita ko lang sa iba and of course, ang cool makapag-trabaho sa isang studio na gumagawa ng mga animated films. Yun talaga yung unang motivation. Feeling ko hindi naman ako nagiisa.

Pero ngayon gusto kong mag-go deeper than that. Siguro kaya ako nalo-lost kasi naka-focus ako masyado dun sa glorious feeling pag nakapasok ako sa isang studio. Yun agad yung naiisip ko eh wala pa nga akong napapatunayan. Tsaka hindi sya magandang basis in the long run. Kelangan ko muna syang gustuhin talaga for what it is. Good and bad. Kasi for sure stressful yung trabaho and sobrang competitive.

So ngayon nakakaisip na ko ng mga concrete first steps plus yung ideal mindset ko going forward with it:

  • Watch behind the scenes kung anong nangyayari sa isang animation studio (understand the different pipelines, the workflow and really appreciate what they’re trying to create)
  • After understanding the different pipelines, choose 1 or 2 areas of focus. You have to choose kahit mukang cool lahat! Saka ka na magbranch out pag na-master mo na yung iba
  • Find online resources to learn your chosen areas and apply “deep work” (currently reading Cal Newport’s book Deep Work). Be thankful that you have the privilege to do this in the first place. Don’t waste time.
  • While doing all this, keep in mind that the primary reason why you’re doing this is because you’re a creative person and that you’re curious. That’s it and that’s true. Stop distracting your mind. Just do your thing and do good work (reread the book Big Magic to be reminded of this)
  • Share your best work and don’t think too much about how people will receive it. Remember that you’re primarily doing this for your own pleasure’s sake. If something good comes out of it, that’s just a bonus.
  • Lastly, prioritize your physical and mental well-being. Because you can’t do all these if you’re frail and don’t know how to cope with stresses of life.

Let’s see what happens!

Categories
Art Career

Art Ganaps

Ang daming exciting na nangyayari sa art community ngayong April. Nakakatuwa kasi nagkakaron ng konting structure yung araw ko kasi medyo nagiging busy na. Although mahina pa rin ang pumapasok na cha-ching, at least mas productive na ko ngayon. Since ang original plan naman talaga eh nasa school ako dapat ngayon, kung tumuloy ako wala naman talaga kong income sa mga panahon na ‘to. So yun na lang ang iniisip ko para hindi ako ma-pressure na dapat meron akong steady flow of income. Iniisip ko na lang pumapasok ako pero ako yung gumagawa ng sarili kong curriculum.

Speaking of the ganaps, unahin ko siguro yung Digital Art Bootcamp ni @rossdraws. Medyo parang art school yung style kasi meron syang ginawang syllabus. Halos sakop nya lahat except wala akong nakita na ang focus is perspective. Bulok ko pa naman dun pero oks lang.

📷: @rossdraws
Continue reading “Art Ganaps”
Categories
Art Life TV

Must-Watch Docu + Magic Bible + French Lessons

Mga random ganaps:

Pinanood ko yung documentary ni Billie Eilish kasi napakinggan ko sa WUWJAS podcast na super ganda raw. Eh wala akong Apple TV+ so finally in-avail ko na yung 1 year free trial kahit matagal na kong aware na merong ganun. Parang hindi kasi magaganda yung shows dun. Parang yung pinaka okay na ata is yung kay Jen Aniston/Steve Carell/Reese Witherspoon na The Morning Show. Although di ko pa rin yun napapanood. Nasagap lang ng radar ko.

Anyway, sobrang ganda ngaaa! Hanggang ngayon may lingering effect pa din yung documentary na yun. Ang full title nya is Billie Eilish: The World’s a Little Blurry. Feeling ko ang worth it na magbayad ng one month subscription of Apple TV+ para lang mapanood yun. Ganda talaga! After ko mapanood yun parang biglang nagkaron ng spark yung creativity ko. Naatat ako bigla mag-paint at gumawa ng something na artistic. Nakaka inspire yung magkapatid. Bukod dun, pinakita talaga yung vulnerabilities ng isang music artist. Super ganda rin ng editing. Basta panoorin nyo na! Hindi ako super Billie Eilish fan pero nagustuhan ko talaga ng sobra. One of these days papanoorin ko ulit yun.

Continue reading “Must-Watch Docu + Magic Bible + French Lessons”
Categories
Art Career

Happy 1st Anniv As a Full-Time Artist!

Today marks my 1st work anniversary!🥳

I thought being a full-time artist was all painting and fun and endless flow of creativity—but it’s not. Well yes, it’s sometimes that—but it’s also discipline when you’re not in the mood to create, not getting discouraged even when your relatives have no clue what you’re doing and why you chose to do this, consistency, self-compassion when you feel you’re not good enough and (the most hassle) filing your self-employment tax. But I know all that now and I accept all the complexities that go with it. It’s not at all easy and I’m trying to be patient.

Thank you to everyone who showed their support (whether through DMs or likes or actually hiring me for projects) especially to my husband who really believes that I can achieve whatever it is I want to achieve. It’s just my first year and I’m still trying to figure things out while continuously learning and improving. I gave up my full-time job and a formal art education believing that I can do this all on my own. And I still believe that. Maybe that’s the most important thing of all—believing that you can do it.

Sabi nga ni Emma Stone:

I’m a person who relies very heavily on intuition and feeling out the situation. So I’ve never really made a five-year plan or anything like that. If it’s right, it will fall into place and if not, I understand.

I’m following my own timeline.

AND I!! THANK YOU!!!

Categories
Canada Life

Di Mapakali + Takatak + Random Pics

Hindi ako mapakali. Masyado akong overstimulated. Ang daming magagandang libro, ang daming magagandang panoorin, ang daming magagandang gawin. Hindi ko na alam kung anong uunahin. Sa mga panahong ganito, ang pinakamagandang gawin ay ito. As in itong ginagawa ko ngayon. Magsulat at magkwento.

Sabi ko nga kanina, ang daming magagandang libro. Sa dami ng librong interesado akong basahin, pitong libro yung tina-try kong tapusin ngayon.

Although nag-eenjoy naman ako, nakaka-bother lang na ang tagal ko nang walang natatapos na libro kahit ang dami kong oras na ginugugol pagbabasa araw-araw.

Anywayz, natutuwa akong mag-type. May bago kasi akong keyboard. Yung takatak keyboard. Nag-decide ako sa Keychron K2V2 after some grueling research. Thank you sa pambubudol ng Intelligent People Discord server. Pero tumupad pa rin naman ako sa pramis kong hindi ako bibili ng kahit anong gadget this year kasi na-reimburse yung pinambili ko nitong mechanical keyboard. So wala pa din akong ginastos. Pero sana mapigilan ko yung sarili ko na bumili nung bagong lalabas na iMac this spring (ayon sa rumors). Baka pag hindi ako nakatiis mangutang ako sa travel fund namin huhu.

My takatak keyboard.

Cashew back to his old favorite spot.

F na f ko lang yung filter.

Naalala ko ring gamitin ‘tong egg mold na ‘to. Cute! Walang egg yolks kasi ginamit ko sa carbonara.

Tinatamad akong mag-drawing nung mga panahon na ‘to pero pinush ko pa rin habang nakikinig ng audiobook. Natuwa naman ako na pinush ko. Pinapagalitan pa ko ni Kenneth bakit daw hindi ako sa table nag-ddrawing at baka sumakit nanaman daw yung kamay ko. Hindi ko pinapansin kasi nasa momentum na ko. Eh di ayun. Sumakit nga ng konti.

Finally dumating na ang kanilang bahay. Ang cute!!

Nag-agawan pa sila nung una pero after non hindi na nila ginamit. Cats 🤦🏻‍♀️

Excited ako pumuntang Costco kasi more than a year na kaming hindi nakakapunta. Tapos ganito yung pila. Hindi kami tumuloy.

Hindi ako nagkakape except sa occasional iced coffee. As in super occasional. Pag trip ko lang. Tapos dapat matamis at madaming kung anek anek para hindi sobrang lasang kape. Pero nag-decide ako na maging coffee drinker starting yesterday kasi nabasa ko dun sa isang book na binabasa ko (The Whole-Body Microbiome) yung iba-ibang benefits ng kape. Pero para hindi masyadong lasang kape, nag-try ako nitong coffee creamer. Ang sarap!

So nag-request ako kay Kenneth kung pwede kaming bumalik sa Costco nung hapon kasi baka hindi na mahaba ang pila. Buti na lang! Buti na lang pumayag! 10 minutes away lang ata yung Costco from our apartment pero sobrang tamad ni Kenneth mag-drive! Sana makapasa na ko sa next road test ko para hindi na ko nakadepende sa kanya.

Back to Intelligent People Discord, nasabik ako bigla mag-watercolor ulit kasi yun ang pinaguusapan recently. Pero wala yun sa plano ko ngayon. Ang plano kong gawin ngayon ay manood ng tutorials para makapag-drawing ako ng backgrounds. Pero pwede naman sigurong pareho. Why not.

Categories
Art Career

Validated Pero Magulo

Few days ago, nag-reply sakin yung art agent for children’s book illustrators kasi nag-submit ako ng portfolio ko. Although hindi successful, sobrang natuwa ako sa feedback nya kasi sobrang detailed. Super agree ako sa sinabi nya na feeling daw nya nag-eexplore pa ko ng style ko. Na hindi pa ganun ka-cohesive yung portfolio ko. Sobrang saya ko talaga nun. Pinuri nya din yung mga illustrations ko. Sobrang nagpasalamat talaga ko. Sabi nya:

I love your palette and many of your pieces – the image of the animals in a haystack, the old man sitting in a takeaway, and this image of a tree I saw on your instagram stood out. Also, your hand-lettering is wonderful, and that’s a skill which can come in handy especially for jacket illustrations. However, I get a sense that you are still exploring and haven’t yet found your personal style.

Nagandahan daw sya dito ❤️
Continue reading “Validated Pero Magulo”