Nagising ako ng 4:44 AM at si Almond agad ang una kong naisip. Chinat ko yung vet clinic slash pet hotel kung kumakain ba si Almond. May chat din ang Mama tungkol sa crypto na scam daw.
Natulog ako ulit pero pilit. Nagising ako ng 6 AM pero wala pa ding reply yung clinic. Baka maaga silang magsara.
Kaya nga pala nasa pet hotel si Almond kasi mangangasal ang in-laws ko at 3 days silang wala. Pinagisipan na namin at wala talagang ibang paghahabilinan kay Almond kaya no choice na dun sya iwan. Pwedeng sa iba, OA yung lungkot at iyak ko, pero wala akong time at energy mag-explain kung gano ko sya kamahal.
Tagal ko nang di nakakagawa ng ganito. Na-miss ko so gagawa ako ngayon.
WEDNESDAY
5:40 AM
Aga kong nagising. Bumangon na ko kasi natatae ako.
6:10 AM
May ka-chat ako na may apply din dun sa company na inaantayan ko ng update. Hays ang tagal naman magkaron ng linaw. Ano ba? Tanggap ba ako o hindi??
* hays sabi ko di na ako magbubukas ng social media sa umaga
6:35 AM
Nagbabasa ako ng mga articles na naka-save sa Instapaper ko. Yung isang article ay yung sinend ng journaling buddy ko last week na ngayon ko lang naisip basahin. Tungkol sya sa manifestation.
Wow nasusunod ko ang morning routine na ginawa ko. Tapos na kong mag-meditate, yoga, magbasa (naka 45 mins ako agad sa goal kong 1 hour per day), kitty care (scoop litter + refill tubig + vacuum ng nagkalat na litter) at gratitude journal. Naksss.
Pero mukang hindi ko magagawa yung exercise. Kasi after kong mag-yoga, nakaramdam ako ng several sharp pains sa tagiliran ko, yung area na inoperahan ako. Kaya maghihinay hinay muna ako.
Nagulat ako gising na rin si Kenneth. Ilagay ko daw yung weighted blanket sa kanya hindi nya daw kaya. Kawawa naman. Nagpa-booster shot kasi sya kahapon plus flu shot. Tig kabilang braso kaya hinang hina.
8:12 AM
Mali. Bakit ko in-open ang Messenger. Pagkatapos ng Messenger, Instagram naman. Wala na. Dire-direcho na.
10 AM
Gutom na kami. Tinamad akong magluto. Sira na kasi yung umaga ko. Mamayang hapon na lang. Nag-order sya ng sisig sa Pares Bistro tapos ako naman yung breakfast wrap at donut sa Tim’s.
Haha naalala ko nung una kong narinig sa pinsan ko dito yung “Tim’s”. Nabano ako. Sa isip ko, “Ahhh. “Tim’s” pala dito.” Sa Pilipinas kasi buong “Tim Hortons”. Lalang.
$31.48
10:24 AM
Mas naunang dumating yung pagkain ko. Naalala ko rin nung nag-oopisina pa ko. Ito lagi ang binibili ko sa umaga pag wala akong baon.
Si kulit
Bakit kaya pag naaalala ko yung mga office days ko parang lagi ko syang naro-romanticize tapos makakaramdam ako ng happy and heartwarming feelings. Pero kung aalalahanin ko ng sobra, araw-araw kong pinapaulit-ulit sa sarili ko na gusto ko nang mag-resign.
Baka nami-miss ko lang yung routine kasi ngayon wala ako nun. Flexible hours kung flexible hours.
10:41 AM
Nag-open ako ng YouTube. Tapos bumalik ako dito kasi may naisip nanaman ako. Siguro pagod na pagod na yung utak ko sa mga biglaang pagsulpot ng thoughts.
Pero eto nga yung naisip ko. Napansin ko kasi ang dalas ko na mag-YouTube. Tapos napaisip ako, ganito ba ko dati? Malamang hindi kasi ang bagal ng internet sa Pilipinas. Mababadtrip ako pag buffer ng buffer so titigilan ko na lang.
Kaya naman totoo yung sinabi dun sa isa kong binabasa na Do Nothing ni Celeste Headlee. Nakakatulong daw sa work efficiency ang advances sa technology pero on the other hand, pa-improve din ng pa-improve ang mga distractions. So anong solusyon? Hindi ko alam. Hindi ko pa tapos basahin.
A welcome distraction
11:27 AM
Watched GAYLE’s live performance of abcdefu. Again. Gusto ko na ginawang medyo pop rock yung arrangement. Naalala ko ang rock star dreams ko.
Na-spoil ako ng YouTube Premium 2-month trial. Extra irritated ako sa mga ads ngayon.
1:53 PM
So fresh and so clean clean. Ang bango ko na. Nag-decide na kong maligo kasi nanlalambot ako. Kung hindi pa ko maliligo baka abutin ako ng hapon na walang nagagawa.
Magluluto na ko. Busy pa rin panonood ng Dexter si Kenneth.
Ang saya na nakagawa ako ng meal plan this week
3:22 PM
Tagal pala lutuin nun. Dami kong ginayat na gulay. Sakit ng wrist ko. Bumabalik nanaman yung madalas na pagsakit ng kanang kamay, wrist, at braso ko. As in mag-click lang ako sa mouse o mag-type sa phone sasakit na. Kaya bumili ako ng ganitong mouse. Mukang nakakatulong naman.
Makapag Duolingo na muna bago ko pa malimutan. À plus tard!
3:55 PM
Kakatapos ko lang mag rant dito sa blog ko. Naka-private yung post just in case mabasa nung tao na yun. Or mga tao na yun? Secret. Parang nagsisi tuloy ako na pinost ko sa IG ko ‘tong blog ko na ‘to. Parang nare-restrict tuloy yung mga pwede kong sabihin.
Maglalaro na muna akong Axie.
6:41 PM
Last week nag-subscribe ako dun sa ’30 Days to Better Habits’ na pakulo ni James Clear, author ng Atomic Habits. Hindi ako ganun ka-hopeful kasi lagi namang sa una lang ako magaling. Tapos after ilang days or weeks, balik na ulit sa dati. Pero nag-subscribe pa din ako at tina-try ko pa din syang gawin. Testing lang.
Every 3 days may ipapadala daw syang e-mail na may kalakip na lessons kung pano yung effective way para mag-stick ka sa mga habits na gusto mong i-build. Nasa lesson #3 na ko. Sabi sa lesson #3, gumawa daw ako ng plano. Kaya nilista ko yung gusto kong morning routine ko para hindi ako nagugulo sa umaga.
Pag nagawa ko ‘tong lahat sa umaga, ang ganda na ng simula ng araw ko. Ano kaya.
7:55 PM
Kakatapos ko lang makipag video call sa Mama. Sunday nga pala ng umaga dun. Ganitong araw at oras sila usual na tumatawag. Akala ko tampo sakin ang Mama kasi pinagalitan ko kahapon. Ang kulit kasi. Pero hindi naman pala tampo. Tagal din namin nag-usap. As usual kasama sa usapan ang paguwi ko. Hays kelan kaya ako matutuloy paguwi.
Malapit nang mag 8 PM. Iniisip kong agapan ang tulog ko. Mga 9 siguro para mas maaga akong magising bukas. Kung magigising siguro ako ng 5 or 5:30 AM mas maganda.
Bigla kong naalala yung ita-transfer kong pera sa bank account ko sa Pinas. Pambayad ng kung ano-ano. Transfer ko muna. $227.99
8:29 PM
Magta-try akong magbasa and hopefully, antukin na ko by 9:30 PM. Good night!
Hindi ko inexpect na iiyakan ko ‘tong driving. Every after practice, gusto kong umiyak (twice yung totoong umiyak talaga ko). Frustrate na frustrate na kasi talaga ako kasi hindi ko sya magawa ng tama. Kung tumama man ako, hindi naman ako consistent. Pano na ko papasa?
Kahapon kasi nag-practice kami ulit at nilampasan ko nanaman yung stop sign (yung 4-way stop). Hindi ko alam bakit hindi ko napansin. Tapos ang daming comments nung tito ko sa pag-drive ko pero hindi ko naman minamasama kasi totoo. Nakaka-frustrate lang talaga kasi ginagawa ko naman yung best ko at naka-focus naman ako pero ang bulok ko pa din. Ang bulok ng coordination ko. Siguro oo expected naman, kasi nga baguhan pa lang ako. Pero eto yung mga moments na gusto mo nang umayaw at ang tumatakbo sa isip ko ay baka hindi ko talaga ‘to kaya.
Ang dami ko lang talagang feelings sa driving ngayon. Kasi ngayon na yung road test ko kaya extra hindi ako mapakali. Hay gusto ko nang matapos. Gusto ko nang mag fast forward sa 5 PM tapos malalaman ko na lang kung pasado or bagsak ba ko. Ayokong i-experience yung mismong road test, gusto ko na lang malaman yung result.
Hindi ako makapagisip ng maayos at hindi ko magawa yung mga gagawin ko dahil dito. Basta after nito, bagsak man o pasa, sobrang luluwag na yung pakiramdam ko. Pero sana naman pumasa na ko para wala na talaga kong iisipiiiiin. Kasi kung bagsak nanaman, prolonging the agony nanaman until mag road test ako uli.
Buti pa ‘to walang kaproble-problema
Ah pota tama na nga. Ayoko nang bigyan ng emphasis masyado ‘tong road test na ‘to. Gusto ko lang i-address yung current kong nararamdaman. Mukang nakatulong naman ang pagsusulat (as always).
Okay magbabasa na ko. Ang fitting pa nung binabasa ko, Anxious People. Pero feeling ko hindi ako ma-aanxious dito kasi funny yung book.
Orayt tingnan na lang natin mamaya. Mamayang 3:40 PM ang road test ko.
6:10 PM
So eto na nga. Bagsak nanaman ako 😂 Laughing emoji pero umiyak nanaman ako kanina. Hahaha. Kay Kenneth lang ako nakakaiyak pero pag iba yung kausap ko napipigilan ko. Pero pag kay Kenneth, bagsak lahat ng defenses. Ang bilis ko umiyak. Tsaka iyakin naman talaga ko di lang halata. Tapos chinat ko yung tito ko nangasar pa lalo.
Tanginang driving talaga ‘to. Hindi ko magawa gawa. Mas okay pa sakin hindi matanggap sa trabaho kasi may ibang companies naman or pwede akong mag-change ng career. Pero etong road test, dun at dun pa din ako babalik. Wala akong kawala.
Kaya din siguro extra extra yung frustration ko dito, kasi sa mga major happenings na na-experience ko, hindi ako bumabagsak. So hindi ako sanay sa ganitong feeling. Board exam, pasa. IELTS, pasa. Japan at Korean visa, approved. Application pa-Canada, approved. Kaya naman siguro ganito na lang yung iyak ko dahil lang dito sa road test na ‘to. Siguro it’s about time daw na makatikim naman ako ng sunod sunod na failure. Masyado na daw akong na-spoil ng universe.
Ang ganda ng ambience ngayon. Kasi kumukulog at umuulan. Basta ang sarap sa feeling. Ang sarap mag-chill at magbasa ng libro. Wait titingin lang ulit ako sa labas baka mawala yung feeling.
Hayyyyy ang sarap. Parang may nostalgic feels. Ngayon ko na-aappreciate yung pagka-sentimental ko. Minsan kasi nakakalungkot maging senti pero may mga ganitong moments na may ability sya na kaya ka nyang ibalik dun sa happy feelings. Feeling mo nata-transport ka sa nakaraan. Para syang super power. Nakaka-good vibes.
Pasira lang ‘tong si Kenneth kasi ang ingay. Naglalaro ulit ng COD. Alam nyo naman pag naglalaro puro murahan at sigawan. Kala mo naman nasa gyera talaga.
Nagiisip ako ng gagawin ngayon. Gawa muna akong to-do list.
Excited nga pala ko sa upcoming Apple Event. 2 days na lang! Kasi may possibility na bumili ako ng bagong iMac dahil nga hindi na maganda yung performance nitong laptop ko sa mga pinaggagawa ko. Eh mag-aaral pa ko ng animation so hindi nya talaga kakayanin. Parang sira na nga din yung bluetooth kasi ang gulong gamitin nung mouse tapos hindi na sya kumokonek sa speaker.
Pero wala talaga kong pambili. Yung naipon ko ay mga 1/4 pa lang nung total amount. Baka nga 1/5 pa. Pero pinagusapan namin ni Kenneth at ang gagawin namin ay uutangin muna namin sa travel fund namin. Kasi sa lagay ngayon parang hindi pa din naman namin magagamit yung travel fund. So yun. Tapos ibebenta ko na ‘tong laptop. Ewan ko lang kung magkano na lang ang value na ‘to. Maigi ding pandagdag.
Gutom na ko.
10:21 AM
Nasira na yung happy feels nairita ko kay Kenneth. Pero okay na. May rules na kami sa office. Bawal sya magingay pag nagaaral ako 😂
2:24 PM
Almost 4 hrs na pala ko nagddrawing. Yun talaga ang problema sakin hindi ko alam kung kelan titigil. Lagi kong plano na every 30 minutes maguunat ako pero nalilimutan ko lagi. Mapapatigil lang ako pag may sumasakit na sakin or nangingimi na yung muka ko.
Hindi ko alam kung pano ‘to tatapusin. Baka magsimula na lang ulit ako sa una.
3:31 PM
Nag-crave sa lechon belly rice bowl at quezo mais.
Nagsisi ako sa lechon belly sumakit yung ulo at batok ko. Never again (?).
5:47 PM
My drawing setup plus trying to re-color my sketch.
Gabi na pala akala ko 3 PM pa lang. Na-distract ako masyado paglalaro ng Cozy Grove at panonood ng The Avengers and Thor: The Dark World.
Pero eto, nanonood na uli ako ng class ni @rossdraws. In fairness ang sulit nung bayad kasi 2.5 hours yung lesson tapos real time sya nag-ddrawing so kita mo talaga yung process. Medyo nab-bore lang ako ng konti, at ang salarin ay yung attention span ko. Pero tina-try ko naman iimprove.
Ang saya makinig ng lesson kasi weekend. Walang pasok si Kenneth so medyo tahimik dito sa office. Pero minsan ang ingay pa din kasi naglalaro din sya ng COD for ilang hours.
I-close ko na muna yung Discord nadidistract ako.
9:36 PM
Nakakaaliw panoorin yung class. Kasi dalwa sila. Yung artist, si Ross, plus si Stella, the “student voice”. So ang ganda na merong student voice kasi sya yung nagtatanong habang nagpe-paint si Ross. Mga questions like, “How did you make this shadow?” or “What are you thinking while doing the sketch?” At ang galing nyang student voice kasi ang thorough nya. Lahat talaga tinatanong nya. Tapos may mga moments na nagkukulitan sila so natatawa ako. Parang hindi lang sya rigid na video tutorial, medyo pang podcast din kasi may mga chika moments.
10:14 PM
Done with the lesson! Hindi pa pala portraits yung pinagaaralan namin. Concept illustration from reference pala. Bukas ko na sisimulan yung assignment kasi pag sinimulan ko ngayon baka alas-tres ng madaling araw na ko makatulog.
11:49 PM
Just watched 2 productivity videos by 2 popular productivity YouTubers.
Parang lahat nung productivity tips na minention hindi ko fina-follow. Pero lahat na-try ko na, wala lang talagang nag-stick 😂 Parang napaisip tuloy ako baka kelangan ko pa ng konting structure. Bukas ko na pagiisipan ng matindi.
Nakaka-anxiety yung driving lesson ko mamaya. Hindi talaga ko nag-eenjoy mag-drive. Or bitter lang ako kasi hindi pa ko makapasa sa road test. Para ba syang isang bagay na matagal ko nang isinulat sa to-do list ko na gustong gusto ko na syang maalis sa list pero hinding hindi ko macheck-an. Gusto ko nang makapasa kasi gusto ko na syang matapos. Wala na kong pakealam dun sa perk na pwede na kong mag-drive at makalakad ng solo. Gusto ko na lang talaga sya matapos!!
For my smoothie bowl
Ang ingay dito sa apartment may ginagawa sa labas. Ang daming pukpok at drilling sounds. Hindi nakakatulong sa anxiety ko. Kaya naman, sobrang sakto yung recommended video ko sa YT kanina:
In fairness sobrang nakatulong 😂 Sya yung author ng The Subtle Art of Not Giving a F*ck. Hindi ko pa natatapos yung book nya. Pero buti naisipan nyang gumawa ng YT channel.
2:38 PM
Bakit nga kaya nakaka-comfort ang junk food pag stressed or bad mood. Kakatapos lang ng driving lesson namin tapos may mga sablay nanaman ako so medyo agitated pa rin ako hanggang ngayon. Nakakainis kasi hindi ako pwedeng magkamali kasi maaaksidente ako at pasahero ko. So ngayon eto ang kinakain ko.
Nakaka-feel better kahit hindi healthy. Eh kelan ba nangyari na pag stressed ka pagkatapos kakain ka ng salad or vegetable sticks? May tao bang ganun??
5:35 PM
Cozy Grove time
10:05 PM
Kakatapos ko lang sa Iron Man 2. Ang gandaaa. Medyo minadali nga lang yung ending. Parang bitin yung fight scenes kay Ivan Vanko nung huli. Next sa lineup is Thor. Baka bukas ko na panoorin magaaral muna ako. Nagsend na ng class package si @rossdraws! Yung Lesson 1.1 is about portraits. Weakness ko yun kaya excited ako matuto.
10:45 PM
Tagal magdownload nung class. Dahil jan, simulan ko na yung Thor hehe.
1 AM na no nakatulog kanina pero hindi ko pa rin natapos yung Captain America: The First Avenger.
Ang kapal pa rin ng snow. Mahihirapan nanaman akong magdrive bukas 😭
1:09 PM
Kelangan ko nang magbreak ang dami ko nang nagawa. Gutom na rin ako. Ipagpapatuloy ko na yung marathon ko ng Marvel movies.
Sobrang nagagandahan ako kay Peggy 😍
I super love her character and bagay na bagay sa kanya yung hairstyle nya.
2:21 PM
Enjoy na enjoy ako panonood kasi wala na ko halos maalala. Parang pinapanood ko sya for the first time.
2:44 PM
Huhu di natuloy date nila ni Peggy. Next na. Captain Marvel.
3:03 PM
Inaantok ako wala akong maintindihan. Ano ba ang Kree. Di ko alam kung nasang world sila. Google ko nga muna.
4:16 PM
Kasama ko na sin Kenneth manood ng Captain Marvel. Nag-eenjoy syang makinood. Pero break muna, tumawag ang Kuya. Aga gumising ng Kuya 5 AM pa lang dun. Nagkwento lang sya about sa quiz nya. Nagte-take sya ng Vet Med.
5:31 PM
Ganda ng Captain Marvel!!! Bakit nung time na lumabas yung movie sinasabi nila na parang hindi daw okay tapos ayaw nila kay Brie Larson. Okay kaya.
Gusto na ni Kenneth na matapos ko kasi gusto na rin nya panoorin yung WandaVision. Haha baka ilang linggo pa bago komatapos lahat. Okay, Iron Man naman next.
7:56 PM
Napaibig ako sa matamis. Nagbake ako ng brownies.
8:50 PM
Tapos na ko sa Iron Man. Nakaka-inlove si Tony Stark 😍
12:29 AM
Buti hindi ako na-tempt tapusin yung Iron Man 2. Nakapag-paint ako kahit papano.
Panggulo
In fairness natuwa ako sa gawa ko ngayon. Ayoko dapat isama yung sarili ko dun sa painting, balak ko yung vending machines lang. Pero mukang good decision kasi nagkaron ng focal point. Tsaka okay yung pagkaka-paint ko dun sa payong. Yun yung favorite part ko. Kasi ang ganda nung effect tapos hindi sya ganun kahirap i-achieve.
Mukang hindi tumigil ang snow kagabi. Itsurang winter nanaman dito. May driving lesson pa naman ako sa Thursday. Sana matunaw na.
Natigil na ko sa pagbabasa ng Deep Work kasi nag-expire na yung loan ko sa library. Ang binabasa ko naman ngayon ay Lifespan by David A. Sinclair. Sinasabi dun sa book na ang pagtanda daw ay isang type of disease. And may mga diniscuss sya na ways para macombat ang aging. Merong mga practical ways tapos meron ding pwedeng i-take na pills.
Skeptical ako sa mga nababasa ko dito pero interesting. Sometime daw in the future, magiging average na daw yung age na 120 y/o. Pero hindi lang lifespan yung focus nya dito, yung healthspan din. Kasi kung hahaba nga yung buhay ko pero uugod ugod naman ako or parang lantang gulay, wag na lang. Pero sinasabi dito na possible daw maging youthful pa din yung energy kahit mareach mo yung age na 60 or 70 or more.
So mga ganyang books yung interest ko ngayon. About improving health. Since ang dami ko kasing medical conditions, nagiging proactive ako ngayon na magseek ng ways to be more healthy. Kaka-signup ko nga lang sa isang webinar about gut health and hormones naman.
Pagkatapos kong kumain, maglinis ng bahay, maligo at manood ng latest vlog ni Ivana Alawi, nandito na ko sa office namin. Ready na ulit akong matuto. Ipagpapatuloy ko yung sa Design Fundamentals. Actually pala, napagaralan ko na ‘to sa isang course na tinake ko sa Red River College. Pero Graphic Design kasi yung focus dun. Dito naman painting.
1:02 PM
Getting distracted. Too much cuteness.
Break muna.
2:05 PM
Sarap ng idlip ko. One of the perks na pinaka thankful ako ngayong freelancer na ko—makaidlip kahit anong oras ko gusto. Hindi ko malilimutan yung mga times sa office na sobrang antok na antok na ko tapos gusto ko lang pumikit kahit 2 minutes lang pero hindi ko magawa kasi hindi pa oras ng break ko.
3:07 PM
Done with the course! Okay naman sya. I was not expecting too much kasi parang hindi nya masyadong forte yung magturo talaga. May mga ganun kasi. Yung magaling sila sa isang bagay pero hirap silang magturo. Lalo na yung mga natural na talented talaga. They depend more on feelings. Yung hindi nila ma-explain pero sa kanila “it feels right”. Ganun yung instructor. I appreciate na he’s trying his best to be helpful. May binigay syang list of artists and books for further studies at nag-iwan din sya ng personal e-mail address nya. Sana magreply sya pag dumating yung time na kelangan kong may itanong sa kanya.
Galing talaga
Magbabasa muna ako or Duolingo. Naka 3 chapters ako ng Anxious People kanina nung nagbreak ako. Dapat maka 10 chapters a day ako para matapos ko in time yung book bago ma-expire yung loan.
5:41 PM
Magd-drawing sana ko kaso sumasakit nanaman yung batok ko. Nanood na lang ako ng shorts from Pixar. Eto yung isa kong pinanood. Ankyut.
So yun pala yung shorts na lagi kong nadidinig sa mga animation peepz. It’s a short film na ang running time ay 40 mins or less. Tulad nitong The Blue Umbrella, 7 mins lang sya.
Eto pa sobrang gandaaaa. Day & Night yung title.
At dahil nasa recommended videos ko si Lea Salonga nung mga nakaraan, hindi ko alam kung bakit, sabi ko papanoorin ko ulit ‘to.
10:31 PM
Painted this for 2.5 hrs while A Whole New World, Part of Your World and Defying Gravity is on loop.
Since na-curious ako sa WandaVision after ko pakinggan yung latest episode ng The Eve’s Drop kanina, gusto ko rin panoorin. Kaso yung knowledge ko about Marvel mababa lang. Bits and pieces lang. Yung Endgame di ko pa rin napapanood. So naisip ko na panoorin muna sya mula simula.
Nung nagreresearch ako, hindi pala according sa timeline yung order of release nung movies. So pinagiisipan ko nung una kung pano ko sya papanoorin. Napagdesisyonan ko na papanoorin ko sya according sa timeline. So sinimulan ko sa Captain America: The First Avenger. Napanood ko na ‘to dati pero gusto ko ng refresher sa lahat.
Kakatapos ko lang magbasa. Inaantok ako sa binabasa ko. Deep Work pa rin ni Cal Newport. Medyo nadisappoint ako sa book nyang ‘to. Sobrang nagustuhan ko kasi yung isa nyang libro. Yung Digital Minimalism. Try kong ituloy yung pagbabasa pero pag inantok pa rin ako, magbabasa na lang ako ng ibang libro.
10:19 AM
Nagluto akong sinigang na bangus belly. My favorite. Kahit ano namang luto ng bangus paborito ko. Kala ko hindi masarap tapos kulang pa sa sahog. Pero in fairness masarap naman.
Sa bangus compatibility test, compatible kami ni Kenneth. Kasi mahilig ako sa taba tapos sya ayaw nya. Pag sa bahay sa Pinas madami akong kaagawan. Lahat gigil sa taba. Pero nakakamiss makipag-agawan ng taba huhu. Eto nanaman nagiging senti nanaman ako. Gusto ko nang makauwi 😭😭
11:57 AM
Finally, something productive. I packed a few orders. Ship ko na lang mamaya pag sinisipag na kong lumabas. Ang lamig nanaman. Kahapon 16 na tapos -10 ngayon. Nakakatamad maligo. Mag-Duolingo na lang muna ako.
12:34 PM
It’s a joke. Hindi ako nag-Duolingo. Nadistract na ko sa new episode ng WUWJS.
Tungkol sya sa astrology. After nito maliligo na talaga ko.
2:03 PM
Good news. Nakaligo na ko. Kakatapos ko lang din mag-lunch. Ang sarap nitong binili namin sa Sobeys. Kaso hindi healthy.
So eto na ang simula ng pagiging super productive ko. Magaaral na ko nung mga binili kong online courses. Sana ma-apply ko yung “deep work” na sinasabi ni Cal Newport. Hindi ko pa rin natapos yung book. Pero mga 70% done na ko.
2:37 PM
Nakapanood na ko ng 2 videos about Character Design. Nabili ko ‘tong course na ‘to for $5 lang kasi naka-sale. Yung instructor is nagtrabaho sa Disney for 21 years, si Aaron Blaise.
So far, sa 2 videos na napanood ko, ang natutunan ko sa character design ay to do research first. “Don’t draw too soon.” sabi nya. Yung initial reaction ko is, “Katamad.” Bakit kelangan pang mag-research? Drawing na agad! Pero kung iisipin mo, pano magkakaron ng dynamic or richness yung characters kung magbe-base lang ako sa kung anong alam ko ngayon.
And ngayon ko lang talaga naa-appreciate kung gano pinagiisipan ng mga artists or ng studio yung bawat characters sa mga movies nila. Sobrang daming elements na kelangan i-consider para hindi lang sya magmukang maganda, kundi para din makapag-evoke sya ng emotion. Kasi kung maganda nga yung visual pero wala namang feelings, hindi naman bebenta yung movie.
Okay next video.
3:20 PM
Video #3 is all about expressions. At this point, medyo inaantok na ko. Wala pang 1 hour bumababa agad yung focus and energy ko. Gusto kong manood ng isang animated film para makita ko kung pano in-apply yung character design dun sa movie. Pero parang too early pa kasi 23 videos ‘to. Nangangalahati pa lang ako sa 3rd video. Need to focus!!
3:44 PM
Nag-break lang ako at nagbasa ng 3 chapters ng Anxious People. G na ulit.
Pampagana
4:31 PM
On our third winter:
After ko matapos yung video #3, sinipag na kong lumabas para magship ng orders. Nagpapabili rin ng bawang si Kenneth.
Buti nasa tapat lang ng apartment ‘tong mailbox
5:20 PM
Ang kalat talaga magluto ni Kenneth
7:21 PM
Haysss nakakafrustrate. Nagpaint ako ngayon (yung photo sa taas as reference) tapos sabi ko hindi ako map-pressure. Sabi ko for fun lang. Pero nag-end up na nastress nanaman ako kasi hindi ako natuwa sa result. Pag nasstress kasi ako, sumasakit yung batok ko tapos parang nangingimi yung muka ko. Yun ang indication na kelangan ko munang tumigil. Anyway, pinost ko pa rin kahit dismayado ako sa gawa ko. Kelangan ko pa talagang magaral.
Makakain na nga. Or Cozy Grove. Or Gilmore Girls. Or all of the above.
8:06 PM
Kaya sya nagpabili ng bawang
9:15 PM
Currently reading Anxious People. Ang ganda talagaaaa. No dull moment 😍
9:50 PM
Took a break from reading.
11:13 PM
I purchased another course from this great artist. Sobrang fan ako ng style nya 🤩 Nasimulan ko yung first video dun sa course pero since malapit nang mag-hatinggabi, inaantok na me. Kaya ko pa naman pero gusto kong magising ng mas maaga bukas. Lagi na lang akong past 7AM nagigising. Gusto ko yung dati kong gising na mga 6AM.
Kakatapos ko lang magbasa at mag-Duolingo. Yung binabasa ko kanina ay yung Deep Work pa rin ni Cal Newport. After reading yung chapter na yun, nag-imagine lang ako na sana sa next titirhan namin may sarili akong office. Share kasi kami ni Kenneth ng office ngayon tapos madalas marami syang ka-meeting. Nakakadistract. Ang lakas pa ng boses ni Kenneth tapos laging tawang tawa.
Ang tagal kong nag-Duolingo kasi meron akong nilalagpasan. Sa Duolingo kasi may leagues (nasa Ruby league ako). Para maka-advance ka sa next league, dapat nasa top 10 ka. Eh top 11 na ko so nilalagpasan ko yung top 10. Eh yung top 10, active din. After ko sya malagpasan, lalagpasan nya ko ulit. Nakakatawa na nakakatuwa na nakakainis. So nagtuloy tuloy ako para malagpasan ko yung top 8 para wag na nya kong guluhin.
Yan yung kalaban ko yung hindi ko matype ang pangalan
10:27 AM
Nakahiga. Nagiisip kelan kaya matatapos ang pandemic.
12:09 PM
Grabe. Grabe yung binabasa kong libro. Eto yung April book ng book club namin—Anxious People. Grabe ang gandaaa. Pero nasa chapter 10 pa lang ako (74 chapters in total). Chapter 1 pa lang the best na. Sana consistent until the end.
12:19 PM
5:50 PM
Kakatapos lang mag-grocery. Nag drive-thru kami sa KFC kasi gutom na ko. Zinger twister again tapos nag add lang kami ng gravy para sa roast chicken na binili namin. Excited na ko manood ng Vincenzo.
Gusto ko sanang i-try kaso ang mahal
6:10 PM
Tumawag ang Kuya Jon2 (tito ko pero nasanay kami na kuya ang tawag). Pinagsasabihan nanaman ako sa driving ko. Ayusin ko daw. Pina-practice nya kasi ako nitong mga nakaraang araw eh laging sablay yung pagliko ko. Yung pagkanan lang. Pag left turn very good naman ako. Kelangan ko nang gumaling kasi malapit na ko ulit mag-road test.
6:48 PM
Naglalaro na kong Cozy Grove. Mamaya na daw kami manood ng Vincenzo sabi ni Kenneth. Makikipaglaro daw muna sya ng COD.
Tapos tumawag ang Kuya. Chika chika lang as always. Mga 1 hour kaming magkausap habang naglalaro ako ng Cozy Grove.
My turf
8:04 PM
Gumagabi na. Aakitin ko na si Kenneth manood ng Vincenzo (sa probinsya namin akitin is yayain). Chinat ako ni Trix kanina. Tinatanong ako kung napanood na namin kasi ang ganda raw. Na-excite ako lalo panoorin.
8:12 PM
Chineck ko yung Duolingo, Emerald league na ko! Haha.
Bigla kong naisip na gawin ulit ‘to pero late na ko nakapagsimula.
5:18 PM
Nasimulan ko na yung step #1 sa “The Steps”. And true enough, mas lalo ko ngang na-appreciate ang animation. Sobrang daming moving parts para makapag-produce ng isang animated film. From an outsider’s point of view, akala ko basta may magddrawing lang tapos i-a-animate nila yung drawings. Yun pala merong in charge sa pag-design ng characters, props and background. Tapos merong gagawa ng 3D models nung characters and all tapos may tinatawag na sculptors. Meron ding term na “rigging” na lagi kong nadidinig pero wala akong idea kung ano. After non merong in charge sa surface or texture nung characters, may in charge sa visual effects, lighting, sound, etc. Basta ang dami pa!!!
So after ko panoorin yung video na yun, mas trip ko talaga yung visual development department especially yung sa background design. Pwede ko rin siguro pagaralan yung sa characters and props. Pero isa pang interested ako eh yung matte painting. Sana talaga mapili ako as mentee dun sa WIA Mentorship Program! Yung visual/character effects mukang okay din.
May mga iba pa kong pinanood after. Super favorite ko yung movie na Inside Out so nakakatuwa na makita yung behind the scenes.
6:22 PM
Tumawag yung kapatid ko. Si Tricia, yung bunso namin. Nagusap lang kami about exercise bikes at yung dysmenorrhea nya. Sabi ko magpa-ultrasound na sya. Nakausap ko rin ng very light ang Mama at Papa. Minanok na baka ang ulam nila. Kakamiss sila. COVID matapos ka na!!!
7:11 PM
Watching an animation online course and I’m learning about this “squash and stretch” thing. The kitties are being distracting though.
Super nac-curious sila pag binubuksan ko yung bintana
7:23 PM
Watched another YT video about different animation softwares.
7:30 PM
I might try to learn how to use Blender. Magcheck out pa ko ng ibang videos about it.
For now, magbabasa muna ako ng The Midnight Library. Popular sya sa book community so na-curious ako. Yung genre nya ay fantasy. Medyo wala akong idea kung tungkol saan so excited akong simulan.
8:11 PM
Finished reading. Kumakain na ko ng dinner. Pero instead of reading The Midnight Library, I continued reading Norwegian Wood. Nafeel ko lang. Tapos habang binabasa ko yung Norwegian Wood, may naisip akong concept for a movie. Tapos parang magandang Pixar ang mag-produce. Hahaha. Nag-iimagine ako ng mga scenes sa utak ko habang kumakain ng tocino at dinuguan.
8:55 PM
Duolingo time after eating.
In fairness madami na kaming vocab na alam at nakakapag-construct na din kami ng sentences. Je suis content! 😂
Maglalaro muna ako ng Cozy Grove tapos siguro papanoorin namin yung new episode ng Vincenzo. Sana makapagbasa ako uli mamaya.
10:10 PM
Ngayon pa lang ako maglalaro ng Cozy Grove kasi humanash pa ko kay Kenneth. Kinekwento ko sa kanya na gusto kong magkaron ng friend na nakakarelate sa ginagawa ko ngayon. Gusto kong magkaron ng isang person na kachikahan ko about the world of illustration tapos masusubaybayan namin yung journey ng isa’t isa. Kaso nga sa ganitong age, ang hirap. And mas lalo syang pinahirap ng COVID.
Medyo tanggap ko nanaman kaso nakakamiss lang na magkaron ng work friend tapos same kayo ng struggles and makakarelate kayo sa achievements ng isa’t isa. Mas masaya sana kung may ganun.
Ngayon ko lang napagtanto na ang ganda pala ng araw ko ngayon. Ang dami kong nagawa and parang almost perfect day sya kung tatanungin ako kung anong perfect day para sakin. Tsk sana wag ma-jinx hindi pa tapos ang araw. Matulog na kaya ako.
Commercial 😄 Halloween costume ni Cashew 😂
Una, nagising ako ng 7:30 ng umaga tapos almost every morning ganun na yung routine ko. Magtitiklop ako ng kumot, aayusin ang kama, ilalagay yung mga tuyong pinggan sa lalagyan, magwawalis ng nagkalat na litter ng dalwa naming pusa. Tapos ang sarap nung feeling na hindi ako nagmamadali. Wala akong hinahabol na oras. Tapos paglabas ko pa ng kwarto medyo nahapyawan ko pa yung sunrise. Kaya ang saya ko din ngayon eh kase fall na. Hahaba na ulit ang gabi. Maaabutan ko na lagi ang sunrise. So yun ang routine ko sa umaga at more than 2 weeks na ata na ganito. Sobrang amazing nun for me kasi hindi talaga ko nagtitiklop ng pinagtulugan namin dati. Kasali ako dun sa mga advance magisip na magugulo din naman. Pero may inner joy talaga pag maayos ang kapaligiran.
So ang sarap din ng agahan ko. Laing at tinapang bangus. Eto rin ang dinner at tanghalian ko kahapon and ang sarap talaga. Sobrang Pinoy feels and yun yung mga small things na nagpapasaya samin since nandito kami sa ibang bansa. Sana may tira pa para agahan ko uli bukas.
Good job Mama Nors!
Siguro mga past 10am na ko natapos kasi mabagal akong kumain and mabagal nga akong gumalaw. Sumaglit ako sa office at nagtrabaho ng konti. Inasikaso ko lang yung mga orders sa sticker shop ko at nagprint ng konting stickers. Sa wakas gumana na yung Cricut machine ko! Sa wakas talaga.
New sticker sheet
So since magla-lunch time na rin, nagprepare ako nung binili kong salad. Bago sya sa paningin ko nung naggrocery kami kahapon kaya gusto kong subukan (avocado ranch). At since medyo bumibigat na ko eh gusto kong magpaka-healthy ng konti. So another masarap na pagkain nanaman tapos pinaresan ko pa ng ube cheese pandesal na order ko lang din online. Panalo pati tanghalian. I’m on a roll!
Maiba naman muna sa caesar salad
Pagkatapos ng konting trabaho, pumasok ako sa kwarto at nagbasa ng aming September book of the month. As mentioned before, meron kaming book club with my pod sibs at ang book na binabasa namin ngayon ay Stardust by Neil Gaiman. Ang ganda nanaman sa mood kasi ang ganda nung story. Mamaya magbabasa ako ulit kasi malapit na yung discussion namin. So nung nasa almost 20% na ko, as expected, nakatulog na ko. At hindi dahil nakakaantok yung book kasi nga maganda sya. Ganun lang talaga ko pag nagbabasa whether pangit or okay yung book. Kaya maganda din magbasa sa gabi, pampatulog. Pagkagising ko sa idlip ko, nakapagbasa pa ko ng konti so 23% na yung progress ko ngayon.
Ano kayang mangyayari kay Tristan
After non naglaba ako tapos nung napansin kong 4:30 PM na, nag-ready na akong magluto ng hapunan. Eto yung meal kit ulit from Chef’s Plate naman. Hindi ako masyadong nasarapan pero since ang sarap naman nung agahan at tanghalian ko, pwede na. Pagkatapos ng hapunan, ligpit ligpit ng pinagkainan habang naliligo si Kenneth. Tapos nagbonding lang kami sa salas ng konti. May pinapanood syang bagong series na hindi ko trip. Ratched yung pangalan. Ang warm nung hug namin kaya ang sarap sa feeling.
Maple teriyaki pork chops. Ayos ba yung plating?😄
Pagkatapos ng few minutes na hug pumunta na ko dito sa office para ipagpatuloy yung pinagaaralan ko na gesture drawing. I think may improvement naman. So habang nagddrawing ako nakikinig lang ako ng mga new podcast episodes (Eve’s Drop and Telebabad Tapes) tapos ang ganda pa din ng mood ko. Hindi ko pa actually natapos yung isang podcast kase dun ko biglang narealize na ang ganda ng araw na to tapos tinigil ko muna para ma-document ko dito. So ayun. Andito na tayo sa present time. After nito ipagpapatuloy ko na yung pagbabasa ko. Bukas na ko ulit magddrawing habang nakikinig ulit ng podcast.
Medyo excited akong ipagpatuloy bukas kasi nagiimprove na ko 😁
Gumawa ako ng siomai pero hindi maganda yung wrapper na nabili ko. Masarap pa din naman.
Inayos ko yung website ko at yung listings ko sa Etsy shop ko
Since hindi ako ganun natuwa sa siomai, umorder ako ng takoyaki at maki
Masinsinan heart to heart with Kenneth kasi down nanaman yung pakiramdam ko ngayon
Ka-video call ko ang kuya kanina tapos napagkwentuhan namin ang Daddy nung buhay pa sya. Death anniversary ng Daddy sa July 14. Halos araw-araw kaming magkausap ng kuya at masaya ako na lagi pa din kaming nakakapagusap kahit magkakalayo kami.
Kachat ko din si Tricia nung umaga at na-share ko din sa kanya kung bakit ako down. Thanks Triciaba!
Umorder ako sa Amazon ng Neutrogena moisturizer and grippy socks
At nag-workout nga pala ako kaninang umaga. Pang 3rd consecutive day na ngayon.
Gleniz Da Menace 