Day 4: The Bulubundukins + Mystical Boat Tour + Bye Calgary | AB-BC Trip 2023 Series

Banff, AB • August 2

Nung papunta pa lang kaming Calgary, nagaabang na kong makakita ng rocky mountains. Kaso nakarating na kami sa Airbnb namin, wala pa rin. Eh yun pala, yung papuntang Banff ka makakakita nung malalaking bundok talaga. Di ko naman kasi alam haha. So ngayon, excited ako. Thizizit!

Heading to Banff

Natatanaw ko na!

Palapit na ng palapit!!

AAAGHHH!

* speechless *

Grabe. Nung una wow ako ng wow. Pero nung palapit na ng palapit at sunod-sunod na yung pag-ultaw ng mga bundok sa field of vision ko, wala. Wala na kong masabi. Sobrang na-ooverwhelm na ko at mangiyak ngiyak. Kung kami lang siguro ni Kenneth ang magkasama tutulo na yung luha ko. Grabe naman kasi. Para kang sinasampal ng bundok. Kahit san ako tumingin, harap, kanan, kaliwa, andyan sila at parami ng parami. Habang lumalapit kami, palaki sila ng palaki at nanliliit ako. Feeling ko nilalamon ako ng bulubundukin.

Haysss 🤍

Rocky Mountains

📍 Banff Gondola + Sulphur Mountain

Ito ang first stop namin. Dadalhin kami nitong gondola sa Sulphur Mountain at dun namin makikita yung panoramic views ng Rocky Mountains. Sobrang patikim pa lang yung drive namin papunta dito. Sobrang dami pa naming makikita at i-eexplore. Apparently, we will ride three gondolas for this trip. This is only 1 out of 3 😂

Maaga kaming nakarating for our gondola ride. May Starbucks sa loob ng ticketing office nila so nagkape muna sila at ako naman light snack.

Stamped my TN!😄

Pagbaba namin ng gondola, may konting trail pa papunta sa pinakataas ng Sulphur Mountain. Meron ding trail pababa at para ata yun sa mga gustong mag-hike pababa ng bundok imbis na sumakay uli ng gondola. Mukang interesting din yun.

Nung nakita namin ni Kat yung trail pababa, inuna muna nami yun. Di muna namin pinansin yung paakyat. Naglakad lang kami ng konti to check kung anong meron sa side na yun. Pero yung konti, naging hindi konti. Haha.

Going down

Hay ang ganda ng view. Pumipikit ako at humihingi ng malalim para i-take in yung scenery. Lagi kong naiisip, ang sarap mag-meditate dito pag ako lang yung tao. Tapos ang fresh ng nilalanghap kong hangin. Sarap. Tapos may nakita pa kaming furry friend na marmot pala yung tawag. Sobrang lapit na namin sa kanya pero wala sya masyadong pake. Kain lang sya ng kain ng damo.

Ganda ng pwesto 😍

Every time I see furry animals I miss our cats 😭

Pababa na kami ng pababa at medyo napalayo na kami. So nung pabalik, super pagod kami. Eh meron pang trail pataas diba. Pagbalik namin inaantay kami nila Kenneth. Natapos na nila yung sa taas. So tinanong namin sya kung worth it bang umakyat pa kami. Kasi ang ganda na rin naman ng nakita namin nung humiwalay kami. Eh maganda raw, so go kami ulit 😆

Hiking buddies!😂

Kapagoddd

But worth it 😍

We have arrived

A weather observatory at the top of the mountain

Pababa na ulit

Lunch + Lake

🍽️ Ramen Arashi

Kakain muna kami sa Banff Town before kami pumunta sa second and last stop for today. Dalwa or tatlo ata ang nag-recommend sa ramen place na ‘to. On the hunt kaming makahanap ng masarap na ramen sa Canada. Yung Ramen Nagi levels sana.

Unfortunately thiziz not it. Masarap naman yung broth pero too salty for me and hindi ganun ka-thick. Di rin amazing yung noodles. At ang pinaka nagpasira, ang lamig nung chashu.

📍 Lake Minnewanka

Wala talaga kong alam sa itinerary so parang surprise every time titigil kami sa next stop. Alam ko lang na lake yung pupuntahan pero hindi ko chineck sa Google yung itsura. At eto nanaman. Wow na wow nanaman kami. Kung yung kanina sa gondola ay bird’s eye view, dito naman ka-level namin yung base ng mountain tapos ang lapit namin. Hays ang ganda talaga. Pumasok sa isip ko yung word na ‘majestic’.

Sumakay kami ng boat and guided tour sya. So yung captain, may mga sinasabi syang history and other facts about the Rocky Mountains. Gusto ko yung sinabi nyang myth about the crying mountain. May face shape kasi dun sa mountain and every time daw uulan, mapupunta yung tubig sa crevices at magmumukang lumuluha yung bundok.

May sinabi rin sya about the magic of the mountains. And after seeing them in person, experiencing their majestic presence, it didn’t sound woo woo at all. When he said the word ‘magical’, it felt like it’s the perfect word to describe it. I was absolutely in awe of their existence.

But here comes the best part. Nung nasa gitna kami nung lake, tinigil nung isang captain yung engine at may gusto silang ipagawa samin. Try daw namin magkaron ng complete silence for 10 seconds habang nakapikit. No big movements, no phones, no picture taking.

Kaso, may mga bata sa boat so na-iinterrupt yung silence. Pero dun sa mga ilang seconds na may complete silence, ang sarap. Yung as in totally wala kang naririnig kahit gatiting, sobrang rare nun. Ang powerful nung effect. Parang na-reset yung brain ko. Ganun siguro yung feeling pag nasa sensory deprivation tank. Pero ang mas maganda dito, imbis na nasa enclosed space, surrounded kami by nature.

And that was followed by, guess what,
a momentous and beautiful silence
as comes to all of us, in little earfuls,
if we’re not too hurried to hear it.
Mary Oliver | Why I Wake Early

Thank YOU!

Bye Calgary

📍 CrossIron Mills Outlet Mall

Bago matapos ang araw, siningit uli namin yung outlet mall. As mentioned sa previous posts, bitin kami lagi sa oras kaya sabi ko kay Kenneth, di na ko sasama sa kanya para i-meet yung dating ka-dorm nya. Pupunta na lang ulit kami sa mall kasi last day na namin sa Calgary. Puro Banff area na yung activities namin for the next few days kaya sa Canmore naman kami magchecheck-in.

Unfortunately, nabitin pa rin ako haha. Kasi sabi ni Google, 9PM ang close ng mall kaya I was taking my time. Tapos napansin ko, 10 minutes before 8 pa lang, may mga nagsasara na. Hindi pala updated yung nasa Google. Friday to Sunday lang pala yung 9PM closing (Wednesday ngayon). Anyway, di bale na. At least nakatipid ako ng ilang dollars.