Ang dalang ko na magsulat dito. Nagsusulat pa rin ako araw-araw pero dun sa analog journal and app ko na lang sa phone. Pero naisip kong i-recap ang mga kaganapan kasi parang ang bilis ng mga nangyayari.
Tag: life update
1.
Sabi ni Kenneth ako daw ang bahala kung concert ng Kamikazee ang papanoorin namin next month or yung stand-up ni Jo Koy. Pareho kasi silang pupunta dito sa September. Pero nung napapagusto na ko sa Kamikazee, halata mong mas gusto nya si Jo Koy. So nagpa-poll ako (thanks pod sibs!) at eto yung result:
Categories
Good News + Lactation Cookies
So good news. Naka-recover na ang Mama at Tricia. Kaso may nag-positive naman sa pinsan ko. Pero mukang okay naman sya. Mild case lang. Hays sana last na sya. Based sa nasasagap ko at based sa kaibigan namin na doktor, bumaba naman na daw ang cases. Sana magtuloy tuloy.
Sabi ko ipapahinga ko yung mata ko kasi kanina pa ko nakaharap sa screen. Pero parang di ako mapakali. Kaya nagsusulat ako dito ngayon.
Kanina bigla kong naisip yung bestfriend ko nung elementary at kung bakit kami nagkaron ng falling out. At kung pano sya nakaapekto sa attitude ko towards friendships. Pero saka ko na ikkwento. Naalala ko lang na naalala ko sya kanina.
Excited ako this weekend kasi makikita ko na yung baby ng friend namin dito. Kakapanganak lang nya last week ata. Magb-bake ako ng lactation cookies para may dala kami pagpunta dun. Nakakainis lang kasi nalimutan kong bumili ng chocolate chips kanina nung sumaglit ako sa No Frills. Ang tagal kong pinagisipan kung lalabas ba ko kanina kasi ang lamig na. Tapos nung nag-decide akong lumabas may nalimutan pa ko. Kakasura.
Inaantok na ko.
Nagpapahinga muna ako sa paglalaro ng Axie. So magsusulat muna ako dito. Mga nangyayari sa buhay ko ngayon. In general ano nga bang nangyayari sakin ngayon? Ah. Medyo nagiging busy ako ngayon. Kasi manager na ko. Haha. Wala akong magagawa kasi manager yung tawag nila pag meron kang pinapalaro na Axie teams sa iba. Yun yung pinagkakaabalahan ko these past few days. Pagha-hire ng scholars. Hindi ko rin alam bakit sila tinawag na scholars.
Busy din ako paglalaro. Yun lang naman yung routine ko eh. Make sure na may pagkain kami during meal times whether magluto ako or umorder online, matapos yung paglalaro ko ng Axie, at try na isingit ang pagbabasa between those two. Plus maki-update sa nangyayari sa cryptoverse para maging at ease na meron pa kaming pera pagdating ng retirement namin. Yun. Importante na meron tayong routine para hindi kung ano-anong pumapasok na mga unnecessary things sa utak natin.
Kausap ko kagabi ang Mama. Nagkkwentuhan lang kami at kinakamusta ko sila kasi nag-positive sila ni Tricia. Ayoko munang makampante hangga’t hindi pa sila nakakarecover talaga. Basta everyday winiwish ko sana maging okay na sila at maging back to normal na. So sa pagkkwentuhan namin, tinanong nya ano daw hapunan namin. Sabi ko ito:
Ayun. Tapos ngayon anniversary nila. Hindi sila makapag-celebrate ng maayos dahil nga naka-quarantine pa sila. Baka umorder na lang daw sila ng food or magluto ang Papa. Hays sana talaga ok na sila. Buong family kasi ng kuya nag-positive din. Daddy rin ni Kenneth. Buti naka-recover sila ❤️ Kaya Mama at Tricia magpagaling na kayo.
Dami naming nadiscover sa Costco last week. Nung nasa Costco kami ewan ko pero parang walang topak si Kenneth. Anything na ituro ko umo-okey sya. Madalas kasi laging kontra. Mahal daw etc. Pero that day di sya masyadong kontra so ang dami naming snacks. Pero nung pauwi na nag-away kami haha. Biglang naging masungit. Lagi talaga yun! Umiinit ang ulo pag naggrocery kami. Sinabi ko na nga na wag na syang sumama. Mag stay na lang sya sa sasakyan. Nakakahawa kasi yung negative energy. Ang saya saya kong maningin ng mga prutas, karne, chocolate, tapos biglang pag tingin mo sa kanya feeling mo tinotorture sya. Kakasura.
Ah tapos last week, pumunta kami sa birthday-an nung officemate ni Kenneth. So na-meet ko din officemates nya. Ang saya din nung gabi na yun. Ang sarap ng food at company. Tapos may karaoke pa so nagkantahan din. Nagpalitan lang kami ng mic ni Hope (katabi ko) kasi mahilig din pala syang kumanta. Sana maulit!
Ang saya din pala nung baby shower nila Trix kaso wala akong picture. Noon na lang ako ulit nakapaglaro ng Pusoy Dos tapos super cute ni Muy.
Wala na kong maisip na significant na nangyari. Ah last. May Nintendo Switch na sila Nick so naglaro kami nung minsan ng Overcooked 2.
Bulok ni Nick! Hahaha joke. Pero medyo kasi merong game na tarantang taranta sya (naka-video call kami) tapos sigaw ng sigaw pero yung character nya nakatayo lang 🤣🤣🤣 Tanga eh hahaha. Sana maging available ulit sya gusto ko ulit maglaro. At para magamit naman yung Switch namin na naka tengga na lang.
Ayun.
SETTING: Tanghali. Sobrang maaraw pero minus 4 degrees sa labas. Andito ko sa office at tulog si Cashew katabi ng monitor ko. Pero umalis na sya. Halos kakatapos ko lang magtanghalian at naisip kong magsulat dito.
HANASH: Nag-snow na kahapon pero patikim pa lang. Tunaw na ulit ngayon. I think medyo madaming chika so simulan na natin.
- First time mag-Seafood City
Not sure kung na-share ko na ba ‘to pero at last! Nakapunta na kami sa Seafood City. Pinoy stuff haven ang lugar na ‘to. Syempre hindi namin pinalampas ang chicharong bulaklak pero grabe yung mantika. Nakakaguilty ang bawat kagat pero ang sarap naman eh. Dami pa naming sinubukan and the week after ata bumalik pa kami.
- Dinnery party with friends
Natuloy din ang get together ng mga Mapuans. So nagkwentuhan lang hanggang past midnight and kain ng masarap na food. Naglaro din kami ng Overcooked 2.
Kahapon andito uli si Trix naglaro uli kami and kwentuhan.
- Book Club Anniversary
Wow lagpas 1 year na pala kami. Ang bilis. Kung wala pang nag-point out, hindi namin marerealize na naka 1 year na pala kami. So ang saya kasi may sarili na din kaming Discord group. Mas masaya na ang kwentuhan and mas madami nang nagpaparticipate sa usapan.
Ang mga binabasa ko ngayon ay Pride and Prejudice, The Wind-Up Bird Chronicle and baka magsimula ako ng isang middle grade book para may pang balance sa dalwang books na ‘to.
- Meal Kits
Tuloy pa din ang mga meal kits deliveries namin. May mga discount codes pa din kasi ako kaya medyo nakakatipid pa. Tapos yung Chef’s Plate binigyan kami ng 2 free boxes kase nagka-aberya yung delivery namin 2 weeks ago ata yun. So yun. Kaso fail yung ibang recipes hindi masarap. Swertehan din.
- Random
Nakigaya ko sa bathtub trip ni Kenneth at ang saya pala talaga! Sobrang nakakarelax nung init sa katawan at sa isip. Mamaya makapag bathtub ulit. At dahil kami ay sosyal, bumili ako ng Lush products. Pag naubos na, dishwashing liquid na lang 😆
Pagdating sa mga pinapanood, tinatapos ko yung The Haunting of Bly Manor. Kung hindi ko nalaman na andun din pala si Victoria Pedretti, baka di ko panoorin yun.
May bago nanaman kaming biniling game. Hays last na talaga ‘to for now. Pero sa lahat ng games, sya ang may pinaka may pakinabang. Fitness game kasi sya. Ring Fit Adventure ang name.
So consistently naman namin syang ginagamit para sulit na sulit. So basically may body motion sensor (ba yun?) tapos pag tumakbo ka, tatakbo din yung character mo. Tapos may mga monsters din. Mapapatay mo sila pag nag-squat ka or knee to chest press and kung ano ano pang type ng exercise so nakakaaliw 😂 In fairness nakakapagod talaga sya at ang sakit sa muscles kinabukasan.
As mentioned kanina, nag-snow na dito nung isang gabi. Nakakatamad nanaman maglalabas. Sobrang tatamarin akong mag-drop off ng orders. Ang lamiggggg. Nilabas na rin namin yung humidifier namin at ang dry nanaman ng hangin. Ang sakit sa lalamunan.
Medyo heavy ang pakiramdam ko ngayon actually. Parang ang bibigat kase ng mga nangyayare sa mga taong nakapaligid sakin kaya medyo nadala ko ata yung load. Kaya ngayon nagttry lang akong magrelax.
Nagkaka-trouble in podcast paradise din kami ni Nick kasi nagkakatamaran na. Mostly kaya ako tinatamad kasi parang nakikita ko sa kanya na tamad na sya. Eh this was supposed to be fun kaya kung hindi na sya fun, tigil na lang. Sabi naman nya gusto pa din daw nya ituloy pero I don’t know baka unaware lang sya sa sinasabi nya.
Ako kase yung type ng tao na hindi namimilit. Madali akong kausap. So kung tamad ka, mas tatamarin ako. Kung ayaw mo, mas ayaw ko. Hindi sa parang nagmamatigas pero automatic talaga na nagiging ganun yung feelings ko. Kaya sana magkaalaman na lang kung tuloy pa ba o hindi. Parang di na kasi kami same wavelength pagdating sa pagpa-podcast. And hindi naman ibig sabihin friendship over na. Duh. For me ganun pa din, kung pano kami nung wala pang podcast. We’ll see. I’m gonna feel things out muna kung mawawala yung doubts ko sa F Buddies podcast. Kase pag nafi-feel ko pa rin na forced, baka magstep back na ko.
- Random Pics
Gleniz Da Menace 