Happy Things #19

Waking up before my alarm

Iba talaga yung quality ng umaga ko kapag nagising ako on my own versus nagising ako sa tunog ng alarm. Ang sarap. Pag natural yung pag gising ko, feeling ko ang sarap sarap din ng tulog ko. Tapos yung pagbangon ko hindi sapilitan kaya hindi ako cranky.

Kaya kelangan ko talagang matulog ng mas maaga para ma-beat ko yung alarm ko. Gusto ko pa ng maraming masasarap na mornings!

Long weekends

Yes weekends with an ‘S’ kasi dalwa ang long weekend this month! Huhu ang saya. More time to catch up on my journaling and more time to watch series with Kenneth. Ang pinapanood namin ngayon ay Moving sa Disney+.

Fountain Pens

Speaking of journaling, wala na, I plunged into the world of fountain pens at ang saya pala talaga nya. Nakakaganang magsulat. Pero pinipigilan ko pa rin yung sarili ko. Ayokong mapa-deep dive masyado kasi magiging magastos.

Nagsimula ‘to nung sumali ako sa isang giveaway at napanalunan ko yung stationery goodies na may kasamang fountain pen. Nung chineck ko, sobrang nagulat ako na $250 pala yung price tag nung inconspicuous pen na yun! Muka lang naman syang normal pen on the outside pero bakit ganun??

Simula nun, naging curious na ko kung ano bang meron sa fountain pens at last week, bumili pa ko ng dalwa hehe. Pero syempre hindi yung ganun kamahal. Dun lang tayo sa beginner options. And honestly, wala akong makita na major difference between a $250 fountain pen vs a $30 fountain pen.

Ayun. Fountain pen rambles over.

Zumba at the Office

Sa office, tuwing 11AM, sa tahimik naming workspace, meron kang maririnig na lively music. Pag silip mo para alamin kung anong nangyayari, may makikita kang lola sa unahan na sumasayaw. Sobrang amusing nung una ko ‘tong na-witness. Ang saya pala talaga sa morning shift.

Yun pala ay stretching time, at si lola ang nagli-lead ng zumba. Haha ang cute. Ine-encourage nya lahat makisali at sobrang game ako dahil chance ko yun na gumalaw galaw, plus ilang minuto rin yun na break from work. Kaya everyday, I look forward sa 11 AM mini zumba session with lola.

Back to work

Eto dapat pala ang inuna ko. I’m an office girl again! Sobrang saya ko nung pinabalik nila ko after ko mawala ng one and a half months. At least nagkaron ako ng free time na gawin kung anong random na gusto kong gawin, at ngayon, balik trabaho na ulit. Ito na talaga ang perfect work-life situation for me.

Finished a book

Kung merong island hopping, merong book hopping. At mahilig akong mag-book hop. For the past 3 months, patalon talon ako sa sampung libro so ang ending, wala akong matapos.

But finally, nakatapos din ako! At kung hindi pa siguro kami nag-schedule ni AJ ng book date, di pa rin ako makakatapos. Kaya minsan talaga magandang motivation yung pressure.

We read a classic, Jane Eyre. Yung style namin ng discussion, pinapanood namin yung 2011 film adaptation, at pag may naisip kaming sabihin, we will pause the movie. Yung 2-hour movie, natapos namin in 6 hours 😂 Dami kasi naming chika in between. Minsan related sa book, minsan random. Haha ang saya lang.