Day 14: Winter in Summer + Last Day | AB-BC Trip 2023 Series

Jasper, AB • August 12

Eto na ang last day. Pero hindi ko pa ramdam na last day kasi ang layo pa ng iba-byahe namin pauwi. 16 hours.

Also, side note, ilang days (or weeks?) akong na-delay sa pagsulat ng araw na ‘to kasi siguro pakiramdam ko lipas na. Ang dami nang bagong nangyayari sa buhay ko. Almost 1 month ago na ‘to pero kelangan ko ‘tong tapusin for my own peace of mind. Kasi tuwing makikita ko yung 7-day Japan blog series ko at hanggang day 5 lang yung natapos ko, naiirita ako.

Six years na yung ‘soon’ 😅

So ito. Magsisimula ako sa pinaka simula. Nung araw na ‘to, pagkagising ko, sinusulat ko yung Day 5.

Pagkatapos kong magkwento sa sarili ko, kumain ako ng tira ko from yesterday’s dinner. Sarap.

Tapos chineck ko sa kitty spy cam kung nasa apartment na si cat sitter. Throughout this trip, chine-check namin from time to time yung pet cam at 99% of the time, ganito lang lagi ang pwesto nila:

Ngayon, may pupuntahan kaming dalwang falls. Tapos yung iba ay surprise kasi na-surprise rin ako. Siguro mga 1 hour byahe yung papunta dun sa falls kaya naka-witness nanaman kami ng mountain sceneries.

Meron din ulit kaming mini stopovers dun sa mga view points.

Don’t go chasin..

📍 Athabasca Falls

Ito ata yung pangatlong falls na pinuntahan namin for this trip. Napaisip tuloy ako, pagbalik kaya namin dito sa Alberta may pupuntahan pa kaya kami? Pakiramdam ko kasi sobrang dami na naming napuntahan sa 2-week trip na ‘to. Pero for sure. Madami pa. At pwede pa rin naman kaming bumalik.

Sabi nga sa nabasa ko, every season, iba yung experience. Summer yung trip namin ngayon so puro green. Tapos pag fall naman kami pupunta, brown at yellow at orange na yung kulay. Pag winter, iba nanaman. Frozen na yung falls. Gusto kong makita yun!

Medyo maraming pathways dito sa falls na ‘to at hindi ko dapat balak mag-detour, kasi pa-diretso yung papuntang falls. Kaso may narinig ako na nagsabing sarado daw yung gawing kanan dati, hindi raw nila yun napuntahan nung last visit nila. So gumaya ako at kumanan. Humiwalay ako kina Kenneth ng hindi nila alam. Ang layo na kasi nila.

Tinext ko na rin si Kenneth na pumunta na dito kasi gusto kong mag-picture kami dun sa rock formations.

Papunta na kami sa next and last falls tapos may quick stopover ulit.

Saw this cute grandma with her DSLR

📍 Sunwapta Falls

Our last waterfall for this trip. Mababa rin ‘tong waterfall na ‘to. Merong trail papunta sa taas para makita mo yung falls in a different view kaso tinamad na kami. At least next time may pwede pa kaming bagong gawin.

Parang Photoshop

On our way sa aming last activity, meron nanaman kaming nadaanan na magagandang area na hindi mo usually makikita sa Google search. Pag nakikita namin na ang daming naka-park dun sa tabi, ibig sabihin may magandang view dun. So tumigil kami.

Grabe ‘to. Hindi lang talaga makuha ng maganda sa phone ko pero para talagang hindi totoo. Yung snowy mountain at glacier sa likod, parang dinikit lang sa background. Summer kasi ngayon diba so puro greenery, mainit, tapos biglang may makikita kang ganito. Ang ganda nung contrast. Kita naman na malayo pa kami diba pero ang lamig dito. Parang di talaga summer. Hays naalala ko ngayon, ang sarap nitong titigan. Ayoko pang umalis pero may naka-schedule pa kaming pupuntahan.

Minsan umiiral yung imagination ko. Itong mga bundok na yung tuktok lang ang kita, iniisip ko na what if castle yun tapos yung mga mga puno na nakapaligid at nakataklob yung protective wall.

Columbia Icefield Adventure

Merong two parts ‘tong activity na ‘to. Ito yung na-surprise ako. Di ko in-expect na yung mga nakikita kong glacier from afar, makikita ko pala up close at tatapakan at lalakaran ko. Sobrang cool! Ganun pala yung itsura nya sa malapit. At sobrang nahihiwagaan ako na hindi natutunaw yung yelo. Pero syempre sinearch ko sa Google at merong explanation behind it. Pero ang cool pa rin.

📍 Athabasca Glacier

Para makarating sa glacier, sumakay kami sa isang heavy duty truck called the Ice Explorer. Nung malapit na kami sa glacier, napansin ko yung small crevices tapos merong dumadaloy na tubig. Ang cool talaga haha.

Up close and personal

Sabi nung tour guide namin, may healing properties daw yung tubig kaya he suggested na inumin daw namin. Pwede rin daw namin ihilamos sa muka namin, yun daw ang tinatawag nilang ‘glacier facial’. Ginawa ko pareho at wala namang lasa yung tubig. Sobrang refreshing nya.

Summer ba talaga 😂

📍 Columbia Icefield Skywalk

Our last and final activity. Hindi nanaman sumama si Kenneth dito kasi clear glass yung tatapakan. Kami lang ulit ni Kat yung tumawid dun sa skywalk. Kung ico-compare ko ‘to dun sa clear glass ng Calgary Tower, mas nakakalula yung sa tower. Dito very chill lang. Pero ang ganda nung view nung Sunwapta Valley.

Trip Over

Our trip is not officially over kasi ang layo pa ng lalakbayin namin. But it’s technically over kasi yun na yung last activity namin. Kakain na lang kami ng dinner, babalik sa hotel, mag-eempake ng maleta, at kinabukasan, magsisimula nang bumyahe pabalik ng Winnipeg.