Day 8: Sweet Tooth + A Famous Clock + Sleepy Cats | AB-BC Trip 2023 Series

Vancouver, BC • August 6

Good morning!

It’s a brand new day and it’s our first official day in Vancouver. Madami kaming ginawa nung araw na ‘to pero ang highlight talaga ay yung masasarap na food. Mostly Asian yung mga kinain namin pero ibang level kasi sa sarap. Kung babalik man kami sa Vancouver, food trip yung main reason.

Going to our first stop: Granville Island

The nega Uber driver

Finally nakasama na namin yung mga pinsan nila. Wala ulit akong idea sa mga pupuntahan namin at go with the flow lang ako lagi. Plus, ayaw ni Kenneth mag-drive sa Vancouver so mostly naka Uber kami. Yung Uber driver namin nung umagang yun, parang may something against sa Vancouver. Sobrang tina-trash talk nya ang Vancouver kesyo hindi na daw maganda, yung cost of living daw hindi nagma-match sa quality of life.

Tinakot pa kami kasi yung location daw ng Airbnb namin, yun daw yung sketchiest part of Vancouver. Tinanong ko sya kung san yung better parts of Vancouver, ang sagot ba naman, “Anywhere but there.” Eh di natakot nga naman kami haha. Na-paranoid na din kami kasi parang ang dami ngang shady people, mga mukang naka-drugs. Basta hindi comfortable sa feeling. At since madami ngang homeless people, may mga streets na ang panghi at amoy patay na daga at makalat. Kaya na-miss ko bigla ang downtown ng Calgary kasi very chill and at ease ako maglakad.

📍 Granville Island

Pano ko ba made-describe ang Granville Island. Madaming food stalls, may wet market, may bilihan ng mga food items from different parts of the world. Medyo palengke style sya kasi siksikan at dikit-dikit yung mga stalls. Ang daming tao nung punta namin kaya hindi ganun nakaka-enjoy mag-explore.

Gayun pa man, ang dami kong masasarap na nakain. Super amazed kami ni Kat nung na-try namin yung canelés. Nag-try muna kami nung sample at sobrang sarap! Half dozen lang dapat yung bibilhin namin pero nung nakita ko yung sign na: “Buy 8 or more and get 10% discount”, eh di dun na kami sa eight haha.

Wala akong pictures ng food namin pero nag-settle na lang ako sa hotdog sandwich kasi ang haba ng pila dun sa fish and chips. Si Kenneth naman nag-pad thai. Sana ginaya ko na lang sya kasi ang sarap! Yun ang best pad thai for me. Nagpa-add pa si Kenneth ng crispy pork belly so lalo pa syang sumarap.

Buti na lang kasama namin yung mga pinsan nila kasi ang sipag nilang mag-explore. Siguro kung kami lang yun, pupunta na kami sa next stop namin after kumain. Since may masipag kaming kasama, pumunta kami sa market place area at naningin lang ng kung ano-ano.

Freebie macaron

May nakita akong macaron stall at sinubukan ko lang mag “bonjour” kay ateng nagbabantay. Tapos nag “bonjour” back sya sakin. Napa-smile lang ako, thinking na yun lang yun. Kaso kinausap nya pa ko!

Ate: Tu parles français ? [Do you speak French?]

Me: Je parle un peau [I speak a little]

Ate: *inaudible* français *inaudible* ici ?

Since hindi ko na super maintindihan, nanghula na lang ako ng sagot. I just assumed na tinatanong nya ko kung san ako nagaaral ng French.

Me: À Winnipeg [in Winnipeg]

Ate: *inaudible* en France ?

Huhu hirap talaga ko pag mabilis. I need to improve my listening skills. Pinaulit ko sa kanya and this time, confident ako na ang tinatanong nya ay kung nakapunta na ba kong France.

Me: Pas encore. Peut être dans la futur ? [Not yet. Maybe in the future?]

I’m relieved na wala na syang follow-up question. Brief laughter lang then tumalikod na ko to face Kenneth. Kasi alam nyang happy ako na na-practice ko yung French ko. Tapos tinawag uli ako ni ate, binigyan nya ko ng free macaron!

Yun pala ang other perks of learning another language. Free stuff! Haha. Masarap yung macaron kaso since nakabili na kami ng canelés at nanaimo bars (parehong sweets), masosobrahan na kami sa matamis pag nag macarons pa kami. Pero thank you pa rin ate! Labyu!

Knick knacks and rolls

📍 The Postcard Place + Paper Ya

Sa Granville pa rin ‘to at merong area dun na para syang maliit na mall. Andun yung mga clothing and artsy stuff. Dun ako nagtagal sa bilihan ng mga quirky items, yung may mga cat-themed stuff. Medyo similar sya sa Steeling House dun sa Calgary kaya nakakaaliw.

Cute

🍽️ The Lobster Man

Hindi pa tapos ang kainan. May mine-mention si Gab na gusto nyang i-try at lobster rolls pala yun. G ako kasi nung nasa Pilipinas pa kami, di namin afford yung lobster roll sa Bun Appetit kaya nag-crab roll na lang kami that time. But today is the moment. Finally makakatikim din.

Masarap naman sya. Hindi lang super amazing. Baka mas gusto ko pa rin ang seafood as papak compared as palaman sa bun.

📍 Gastown

Umalis na kami sa Granville at dito naman sa Gastown, ang main agenda ay puntahan yung famous na steam clock. Pagdating namin dun sa clock, natawa na lang kami kasi may pagka-underwhelming sya. Pero inisip ko na lang na famous sya for a reason kaya binasa ko yung text tungkol sa history nya. Ito daw pala yung one of the first steam-powered clocks ever built at sya na lang ata yung natitirang clock na powered by steam. Okay good to know 😄

Despite its ordinary appearance, sobrang dami pa ring tao na nakapalibot sa kanya at naghihintay tumunog yung clock. Cute naman yung tunog. Parang choo-choo train.

Some snaps around Gastown:

Evening activities

📍 Catfé

May time pa, kaya Gab and Ate Jess suggested na puntahan yung cat cafe na nakita nila malapit sa Airbnb namin. Tagal ko nang gustong ma-experience pumunta sa cat cafe kaya na-excite ako.

Cuteee

May pusa na nakikipaglaro kay Kenneth at sa lahat ng pusa, sya lang yung pinakang-active. Halos lahat tulog or wala sa mood. Kaya niloloko nila kami na yun na raw si Macadamia, our next cat 😄 Pag nakalipat na kami ng bahay saka namin iisipin magdagdag pa ng isang pusa. Tsaka gusto ko talaga munang kunin si Almond huhu.

Missing the kitties even more while we were here 😭

For dinner naman, tatagpuin namin si Boris and Bea. Sinundo nila kami sa Airbnb namin at pumunta sa isang Vietnamese place. Gusto ni Kenneth at Kat ng pho kaya di na ko tumutol, di kasi ako mahilig sa pho. Wala rin akong alam masyado sa mga Vietnamese food. Pero buti na lang dito nila kami dinala kasi ang sarap nanamannnn.

🍽️ Anh and Chi

Kala ko fail yung order ko kasi yung pinakang sauce nung noodles eh parang sweet vinegar concoction lang. Ang ine-expect ko ay peanuty brown sauce. Pero nung hinalo ko na sya ng maigi dun sa noodles, ang sarap! Muka syang bland pero hindi. Para syang manamis-namis na maasim-asim na maalat-alat. Ang perfect nung combination ng flavors. Sarap!

Signature vermicelli bowl | 5 🌟

Thanks for meeting us!

Nakakaasar kasi nalimutan ko yung phone ko. Wala tuloy akong pictures nung mga pinuntahan namin. Nag-try akong mag-picture gamit phone ni Kenneth kaso di ko talaga type yung camera ng Samsung. Pero dapat pala hinayaan ko na lang para lang may photos.

🍽️ The Main

Dito kami naginom at kahit super busog na kami, parang di ko kayang maginom ng walang nginunguya. Kaya siguro naka-isang cocktail lang ako sa sobrang busog.

Kanina pa namin tinatawagan si Benson at finally sumagot na sya. Niloloko namin na nag-e-edibles kami nila Boris para maasar sya. Niloloko ko rin sya na mas magaling mag-English si Boris kesa sa kanya tapos tawanang tawanan lang.

Hanggang sa paghahatid samin nila Boris, kausap pa rin namin si Benson sa sasakyan kasi nagpapachika about something. Pero naputol na rin.